去過西藏才知天可以這樣藍，雲可以這樣低，大陸都可以咁鬼貴~
去西藏其實真係需要多d時間，但係咁o岩撞正一班志同道合o既friend都得閒，我地五個女仔就膽粗粗去左青藏走一轉，平時成班女仔只會去下日本咁姐，去西藏真係有d騎呢。今期冬哥都係無join，好彩有特約攝影師兼模特兒(只限背影)judith幫下手影返d靚相，特此鳴謝。
去西藏真係幾貴架，完全係外國價錢，大陸享受，食要成$20餐，住要$60-$80一晚，交通係離晒譜咁貴，租架van仔都成$1000一日，係新疆兩倍，四川三倍價錢。
青藏公路辛苦程度絕對不及川藏，全程柏油路，食宿有水準，肯比錢保證有涼沖，如果咁都話辛苦，咁不如搭飛機好d。
交 ：塔爾寺 的士每人$10
機場>市中心 巴士每人$15
宿 ：西寧龍源賓館$90 雙人房(有d舊，但十分大和舒適~)
入場：塔爾寺 $35
由西寧出發順道去埋塔爾寺，個寺都幾大，有特色，離市區只係一個小時，都值得去o既。
塔爾寺門口白塔
交 ：包七人van 由西寧到當雄 每車$4500
(係咪需要包車則有需要諗下，好似我地遇到個司機衰到死，成日開快車，
又唔肯停車比我地影相就不如坐公車)
宿 ：青海湖邊d賓館$200 雙人房(貴夾曳)
入場：青海湖 $20
鳥島 $35
青海湖講真唔係好得，但係出面d油菜花田就幾靚，比入場費都真係徙錢，記得係出面行下就算，唔好比錢入去睇。鳥島就幾靚，見唔都雀都有景睇~
一望無濟的油菜花田
鹽湖的小火車
鳥島
也是鳥島
宿 ：格爾木禾木賓館 雙人房$80
那曲唔知乜賓館 雙人房$100(無涼沖，廁所係旱廁，房間算乾淨)
格爾木呢個"古城"已經好發達，算啦，休息中途站姐。第二日攀過5千幾米o既唐古拉山，一般人都會有高山反應，但係我地可能因為食定d字頭個隻西藥，(詳情請向醫生查詢)，連頭痛都無，上到唐古拉山見到d正景，興奮到死，狂影相(兒童切勿模仿)，之後落到四千米仲大玩uno，嘈到拆天，連身為高原人o既司機老婆都覺得缺氧頭痛，忍唔住問我地究竟食左乜藥，點解咁多人都無事o既。不過夜晚係四千米o既那曲訓覺都有d透唔到氣o既感覺。其實好多人過到唐古拉山之後，落返三千米o既拉薩都唔會再有咁勁o既高原反應，因為身體基本上適應左。
那曲草原景色平平，但有幸見到藏羚羊。
唐古拉山山口
唐古拉山的經藩
梳打餅的"高原反應" @5000m above sea level
好遠咁見到藏羚羊
交 ：當雄<>納木錯 面包車一架 $550
宿 ：當雄金珠賓館 雙人房$150(服務員態度惡劣，好似凈係得佢一間有房咁)
入場：納木錯 $45
果然係聖湖，納木錯真係掂呀~不過入納木錯條路就真係唔得，"登"到飛起，好彩都係"登"兩個鍾姐~
天空是這樣藍~
水也很藍
興奮到飛起~~
係咪好神聖呢
型得你呀~
渺小的人類
草原，雪山，經幡，型仔judith (注: 我地穿晒fleece+風褸，佢就係咁易短袖)
納木錯上的午餐(五餅無魚~)
牛頭
往納木錯很"登"的路，想知有幾"登"，我個friend o既 movie 幫到你(要裝quicktime先睇到)
交 ：旅行團$800 (好貴!去西藏真係全中國最貴!)
宿 ：八一鎮d賓館
入場：$50巴松錯
非常唔好彩，因為去日客則條路岩岩發生左意外，攪都無人敢租車比我地去，只好改變計畫去八一鎮，八一沿路風光都幾靚，雖然都係狂坐車(來回16個鐘)~
尼羊河
"高原九寨溝"
中流底柱
巴松錯
又係巴松錯
往巴松錯的路上
非常刺激的吊橋~
米拉山口的彩旗
交 ：的士 市內一般$10到
宿 ：興貿賓館 $150-$200 (殘d，但係d職員幾好人)
怡園招待所 $150 (超臭廁所招待所!)
入場：$100布達拉宮(好貴!)
家陣拉薩真係超發達，除左八角街，其他地方同其他中國各大城市無乜分別， 仲有就係千企唔好八月去，酒店超爆滿，完全係一流價錢，三流享受，我地試過一間招待所個廁所超臭，攪到要係廁所燒香+搽白花油+戴口罩先沖到涼，諗起到攪笑。
不過八月有雪頓節，要凌晨爬上山睇晒大彿(約一小時)，勁有朝聖feel。返落黎個陣因為想搭車，但係又超多人，搞到我同judith拋下平時OL斯文形象(其實都無乜)，"插水式"入車(即係爬車窗)，我地真係越黎越local
:p
晒大彿
忙於晒大彿的僧侶
哲蚌寺
暮色裡的拉薩
朝聖的人們
色拉寺的辯經
布達拉宮的正門(前面竟是彌敦道!)
後門
好似芝士o既酥油
拉薩必食pizza，餐廳裝修很有情調，好似soho d 餐廳，估計係香港食要成$200落樓
